Постои широк спектар на декоративни техники кои можат да се користат во секоја просторија, без оглед на нејзината големина или стил. Покрај техниките кои најмногу се разликуваат во начинот на нанесување, постојат и специјални декоративни премази кои создаваат уникатни визуелни ефекти. Дозволете ни да ви претставиме само неколку опции. Со SPEKTRA Decor Rust можете да постигнете изглед на 'рѓосано железо, додека SPEKTRA Decor Copper создава бакарен изглед на патина. Премазите може да се комбинираат по желба и на тој начин да се создаде комплетно уникатен декоративен изглед. SPEKTRA Decor Quarz им дава кадифеен изглед на ѕидовите, додека SPEKTRA Decor Topaz додава металик сјај.

Во продолжение ви претставуваме две слични техники за нанесување боја кои создаваат шара што наликува на ткаенина – "Jeans" и "Denim". Двете техники се популарни бидејќи создаваат динамична и текстурана површина со испреплетување на линии кои наликуваат на влакната на ткаенината.

Заштитете го подот и мебелот пред да започнете со работа и заштедете време за чистење подоцна. За убав и квалитетен изглед на завршниот премаз, важно е да се нагласи дека подготовката на основата е клучна. Започнете со импрегнирање на површината со SPEKTRA Impregnation Acryl Special, кој делува како сврзувачки слој помеѓу стариот и новиот слој, ја обединува и намалува апсорпцијата на супстратот, ги зајакнува слабо врзаните слоеви и ја подобрува прилепливоста на новите малтери и премази. Покрај тоа, SPEKTRA Impregnation Acryl Special oвозможува лесно нанесување без протекување, што значително ја олеснува работата. Потоа измазнете ја површината со SPEKTRA Level Fine смеса за израмнување за да добиете рамна и мазна основа. Во третиот чекор, последниот слој SPEKTRA Latex Matt се нанесува во избраната нијанса, која, заради отпорноста и лесното чистење, е идеална за декоративни техники и нуди широк спектар на тонови на бои. Препорачуваме две еднакви нанесувања.

Најдобро за изведување на молерски работи е време со пониска температура и поголема влажност на воздухот. Просторијата треба да биде без провев бидејќи тоа силно влијае на процесот на работа и сушењето на премазите. Добрите услови нудат повеќе време за изведување на декоративни техники, што е особено важно за оние од вас кои имаат помалку искуство со техниките.

За декоративните техники се препорачува помош од едно или две лица со основни познавања од сликарски работи. Важно е да бидеме брзи и прецизни при нанесувањето на завршниот лак и изработката на шaрата.

Прекршување на светлината и разигран изглед со декоративната техника на "Jenas"

Декоративната техника на "Jeans" со својата релјефна површина создава интересна игра на светлина која додава длабочина и динамика во собата.

За оваа техника, потребен ви е безбоен горен слој SPEKTRA Domflok Gloss, валјак со пократки влакна за мазно и рамномерно нанесување и гумен чешел за креирање на шарата. Нанесете SPEKTRA Domflok Gloss рамномерно на претходно подготвената површина, на која додавате 20 % од затемнетиот SPEKTRA Latex Matt, кој се користеше за подготовка на основата. Можете да изберете иста нијанса како подлогата или малку да ја осветлите или затемните, што ќе создаде поголем контраст и ќе ги истакне потезите со чешелот. Сепак, важно е да се напомене дека, во овој случај, грешките во нецелосното нанесување ќе бидат малку позабележителни.

Лицето кое ја креира шарата го следи лицето кое го нанесува лакот. Се препорачува да работат еден по друг и растојанието помеѓу нив не смее да биде поголемо од половина метар. Лицето кое го нанесува лакот треба да ја провери еднаквоста на шарата додека работи од поголема далечина. Се препорачува проверка на еднаквоста на шарата по секој квадратен метар, бидејќи подоцнежните корекции повеќе не се можни. Започнете со креирање на шарата од ќошот веднаш врз свежо нанесениот лак. Со потези во различни насоки – вкрстено – креирајте ја саканата текстура. Потезите нека бидат кратки бидејќи тоа ќе ви помогне да постигнете изедначен изглед. При нанесувањето, внимавајте да не ја оштетите веќе нанесената шара со нови потези. По завршувањето на нанесувањето, веднаш измијте ја алатката со вода и проверете дали има боја надвор од заштитеното подрачје, бидејќи подоцнежно отстранување на бојата е прилично тешко.

Ако сакате најпрво да се обидете да ја испробате техниката, тоа можете да го направите на платно или гипс картон, каде што сте ја подготвиле површината за техниката на ист начин како на ѕидот. По завршувањето на проектот, платното може да послужи како украсна слика на еден од соседните ѕидови.

Создавање релјеф и текстура со декоративна техника на "Denim"

Со декоративна техника "Denim" можете да создадете и суптилна и поизразена текстура, што внесува нова димензија во собата и создава чувство на длабочина.

Чекорите за подготовка на основата се исти како и за декоративната техника на "Jeans", но се разликува во употребата на алатот за изработка на шарата. Нанесете SPEKTRA Domflok Gloss рамномерно на претходно подготвената површина, на која додавате 20 % од затемнетиот SPEKTRA Latex Matt, кој се користеше за подготовка на основата. И овде можете да си играте со благ контраст на посветла или потемна нијанса на основната боја и на тој начин да создадете поголем контраст со шарата. Лицето кое ја креира шарата го следи лицето кое го нанесува лакот. Се препорачува да се започне со формирање на шарата веднаш по нанесувањето на лакот, а растојанието помеѓу двете лица не треба да надминува еден метар. Првото лице треба да ја провери еднаквоста на примерокот за време на работата на растојание од околу два метри.

За да ја направите шарата потребна ви е декоративна мистрија, која можете сами да ја направите со помош на мистрија и материјал сличен на вештачката трева, како тепих од гумени влакна. Започнете со креирање на шарата од аголот со благо притискање на мистријата преку свежо нанесениот лак. Со понатамошни вертикални потези надолу, создавате релјефна шема, која ја завршувате околу половина метар пред подот, а потоа со влечење од дното нагоре, создавате убав спој и постигнувате рамномерно нанесување на целата висина. За секое паралелно нанесување, фугите треба да бидат малку различни по висина за да се избегне формирање на хоризонтални линии кои би го нарушиле конечниот изглед. Шарата на ѕидот ќе ја одразува густината на шарата на декоративната мистрија. По завршувањето на нанесувањето, веднаш измијте ја алатката со вода и проверете дали има боја надвор од заштитеното подрачје, бидејќи подоцнежно отстранување на бојата е прилично тешко.

И двете техники се релативно напорни, бидејќи бараат основни вештини за сликање, прецизност во нанесувањето и брза реакција при нанесувањето. Кога изведувате техника на поголема површина, пред да започнете, препорачуваме да се консултирате со експерт за резултатот да биде со висок квалитет. Двете техники се особено погодни за декоративен акцент на мал ѕид или дел од ѕид дома, како и во бутици, кафулиња и салони.