Црпење инспирација од природата

Бојата на годината, бестрашна, елегантна и софистицирана живописна розово-црвена, има длабоки корени во природата и припаѓа на семејството на црвени нијанси. Изборот на бојата на годината беше инспириран од карактеристичната кошинел црвена боја, која може да се опише само со суперлативи, бидејќи се смета за најскапоцена и најстара природна боја. Првобитната поврзаност на бојата со природата го оживува човечкиот дух и помага да се изгради внатрешен мир и сила. Истовремено, нè поттикнува да ја почитуваме самата природа во сите области на животот и работата.

Темноцрвена боја претставува совршена рамнотежа помеѓу топлите и ладните тонови на бои и затоа е погодна за сите простории. Одлично одговара со топлите бои на дрвениот паркет, како и подот во малку посвежи подтонови. Експертите од областа на трендовите за бои ја опишуваат розово-црвената нијанса како еден од најсилните и, истовремено, најсветлите тонови на бои. Погоден е и за помали и за поголеми и подобро осветлени простории. Дали се чувствувате доволно смело да експериментирате? Во тој случај, ве покануваме да внесете доза на оживувачка и разновидна боја во собата која совршено ги надополнува различните тонови на бои и има моќ да го направи секој дом софистициран и екстравагантен.

(Пре) смела боја за храбрите

Велат дека внимателноста никогаш не е излишна, а тоа важи и кога станува збор за изборот на боите на ѕидовите, мебелот или декорот во домашниот ентериер. Нијансата на жива розово-црвена боја е еден од најинтензивните тонови на бои кои бараат малку повеќе да размислиме за поставеноста во самата соба. Важно е да се земе предвид природното осветлување и големината на просторијата, како и влијанието на боите врз нашата благосостојба.

Во зависност од интензитетот на нијансата, би ве советувале да ја внесете бојата во собата како декор, или да се ограничите на дел од ѕидот или на помала површина. Техниката на бојадисување „color blocking“ претставува одлично решение за прашањето како да ги внесете дури и најинтензивните, најсмелите и најтемни тонови во собата. Ова е техника која, освен малку креативност, не бара некое посебно знаење. Доволни се самолеплива лента, четка или валјак, молив и линијар.

Дали монохроматскиот изглед е повеќе ваш стил? Во тој случај, пробајте комбинација од црвена и розова на еден ѕид и создадете несовршени завршетоци во боја што може да се постигнат со вертикални потези на валјакот на различни висини. Ако се одлучите да бојадисувате на овој начин, внимавајте да ја нанесувате бојата во мали количини. Колку помалку боја на валјакот, толку полесно ќе биде да се создаде груба и неправилна транзиција.

За подобра транзиција, можете да експериментирате и со пософистициран ефект на градиент на боја. Техниката на бојадисување „омбре“ овозможува „бавен“ премин од потемна во посветла нијанса со истиот тон на боја. Боите може да се мешаат за да се создадат различни ефекти, од многу мек и суптилен премин до импресионистички стил со груби потези на четката и силни контрасти на боја. Предноста на техниката омбре е во тоа што крајниот изглед може целосно да го прилагодите на своите желби и просторот, како и да создадете харизматичен и уникатен изглед.

Сепак, треба да се напомене дека црвените тонови имаат посебна репутација во светот на боите на внатрешните ѕидови бидејќи се сметаат за доста напорни и тешки ако сме изморени од бојата и сакаме да ја прикриеме. Најверојатно ќе биде потребен дополнителен слој боја за покривање на посилна црвена нијанса, затоа препорачуваме да изберете ѕидна боја со добра покривна моќ, како на пр. SPEKTRA Super или SPEKTRA Extra. Добрата покривност се достигнува и со бели и пастелни тонови на бои.

Гребнатините може да се појават и на многу интензивно обоени површини или таканаречениот „ефект на пишување,“ ако остар предмет се повлече преку површината на ѕидот. Пигментите во сјајните премази се опкружени со врзувач, додека пигментите во мат премазите лежат слободно на површината, што предизвикува нивно движење настрана во случај на гребење и белите пополнувачи стануваат видливи. За да се избегне „ефектот на пишување“, се препорачува да се изберат сјајни премази за интензивни тонови на бои или премазот во мат сјај да се заштити со SPEKTRA Domflok Matt. Ова е проѕирен премаз со силно врзувачко дејство којшто го покрива пигментот и го штити премазот од гребење.

Живописната магента може да се внесе во домот и преку помали детали

Свежата нијанса на жива розово-црвената боја има моќ да ја осветли секоја просторија. Доколку не сте подготвени за потрајни и похрабри промени како што е бојадисувањето на ѕидовите, можете да го оживеете просторот и со разни додатоци и украси. Можете да го комбинирате со бледо сива, сина, зелена, розова, па дури и пастелни и земјени тонови. Розово-црвената нијанса одлично се вклопува со вечната класика – белата и нејзината совршена спротивност, елегантно црната. Можете исто така да додадете чувство на софистицираност и богат гламур во вашиот дом со нагласување на текстил и украсни предмети како што се завеси, украсни перници, теписи, табуретки, вазни, саксии или разни уметнички дела.

Со малку креативност, можете минимално да го реновирате постоечкиот внатрешен дизајн или градинарски мебел. Препорачуваме да изберете TESSAROL универзални емајли, кои се погодни и за дрвени и за метални површини. Трпезариските столици, полиците, рамките за кревети, градинарскиот мебел, ногарките од масички, светилката над трпезариската маса или шанкот може да бидат „облечени“ во провокативно розова боја.

Интензивните тонови на бои навистина може да изгледаат малку агресивни на прв поглед, но нема потреба да ги избегнувате по секоја цена. Земајќи ја предвид постоечката палета на бои во собата, можете да ја оживеете секоја просторија со правилна комбинација на бои. Ако се осмелите да ризикувате и да пробате нешто ново.